طريقة تحضير كريب محشو مالح في الفرن

طريقة تحضير كريب محشو مالح في الفرن

نخلط كاس حليب عادي ماشي سخون + كاس فرينة+ بيضة+ 2 مغرف كبار زيت + رشة خميرة الحلوى + ملح و نميكسي كلش بالميكسور و مبعد في مقلة لي مانلصقش ندهنها بشوية زبدة و نحط كمية انتاع الشائل في المقلة نهزها من فوق و نمشي هذاك السائل على كامل المقلة و نعاود نحطها فوق النار و غير تحمار شوية نقلبها و كي تزيد تحملر على الوجه الاخر نحيها و نكمل كامل الخليط و الزبدة ما نديروهاش كل مرة خلي كل ما ديري على 4 مرات و زيدي ادهني.

مبعد نوجد الحشو, شوية زيت نقلي بصلة مقصوصة رقيقة نقليها مليح مبعد نزيد شوية لحم مرحي + 2 جزر صغار مرابيين خشين + معدنوس+ ملح+ فلفل اسود+ زنجبيل و نخلط و نخليهم حتى يقتلاو مليح و نزيد فرماج طري و نخليوه حتى يذوب و نطفي النار. مبعد نحكم الكريب و نحط الحشو في الوسط و نقفلهم و نحطهم في مول مدهون بالزبدة او الزيت م مبعد نحط فوقهم صوص طماط لي كانت دارتها من قبل و نزيد نحط فوقهم جبن مبشور و ندخلهم الفرن سخون غير ينساجمو المقادير مع بعض و يحمارو نحيهم. شهية طيبة.